మీ మంచి మిత్రుడు...

సిగ్గు... సిగ్గు..మానవత్వనికి మాయని మచ్చ.

2011-02-17T07:19:00.000-08:00

ఈ రోజు అసెంబ్లీ లో లోక్ సత్తా అధ్యక్షులు జయప్రకాశ్ గారి పై జరిగిన దాడి.మనుషులుగా సిగ్గు తో తల దించుకోవాలి.చట్ట సభకు ఎన్నికైన సభ్యులు ఉచ్చ నీచాలు మరిచి.పశువుల్లా ప్రవర్తించడం,అమానుషం.కామెడి ఎమంటే చుట్టు వున్న నాయకులు గాని,పోలీసులు గాని,స్పందించక,అడ్డగించక పోవడం.సాక్షాత్తూ గవర్నర్ గారి చేతుల్లో ఉన్న పేపర్లు కోతుల్లా లాక్కొంటుంటె,టి.వి.ల్లో చూసిన ప్రతి ఒక్కరు.థుపుక్కున ఉమ్మి ఉంటారు.ఈ పెద్ద పోటుగాళ్ళు ప్రజాసేవకులు?మీరు ప్రజలకు మార్గ దర్శకులు?బొంగేమి కాదు.ఈనాటి సంఘ్టానను సమర్థించే ప్రతి నాయకునికి,ఏదో రోజు ఇలాగే కుమ్మించుకోక తప్పదు.మీకు చీము నెత్తురు ఉంటే.జరిగిన దానికి సిగ్గుపడండి.తొక్కలో నాకు ఏవిధమైన ప్రాంతీయ ఫీలింగ్స్ లేవు.ఉన్నది ఉన్నట్లు మాట్లాడుతాను.ఇంతగా ఎప్పుడు కోపంరాలేదు.యం.యల్.ఏ.ల పరిస్థితి ఇలాఉంటే.మాలాంటి సామాన్యుల సంగతి????.

చిరు దెబ్బకు ఆంధ్రపాలిటిక్స్ లో సునామి. దెబ్బకు ఠా!దొంగల ముఠా!

2011-02-06T04:55:00.000-08:00

చిరు తీసుకున్న నిర్ణయం ఖచ్చితంగా అభినందించాల్సిందే,ఎందుకంటే,ఏదో సాధించాలని కొండాంత ఆశతో చిరు రాజకీయాలలోకి వస్తే,అనుచరులే,నమ్మించి మోసం చేసారు.రాజకీయాలంటే స్వార్థం అని తెలియజెప్పారు.ఒంటరి పోరు చెయాల్సిన అవసరం "చిరు పార్టి" కి లేదని అతనికి అర్థమైనది.ఏ దమ్మున్న మగాడు కూడా చిరును నైతికంగా ప్రశ్నించే అర్హత లేదని నా ఆభిప్రాయం.గంజాయివనం లో తులసి మొక్కగా మిగిలిపోవడం ఆయనకు.ఇష్టం లేదు."ఎప్పుడొచ్చాం అన్నది కాదు ,బుల్లెట్ దిగిందా లేదా" అన్నది ముఖ్యం.తాను సాధించాలనుకున్నది ఏరూపంలోనైనా సాధించే సత్తా ఉన్న మనిషి చిరంజీవి.కేవలం ప్రాంతీయ పార్టీ అనే కళాశాలలో కాకుండాఅ జాతీయ పార్టీ అనే విశ్వవిధ్యాలయంలో,రాజకీయ పట్టా పుచ్చుకుంటారని,అనుభవం గడిస్తారని.కుక్క కాటుకు చెప్పు దెబ్బలా.అనుకున్నది సాధిస్తారని అశిస్తాము.ఆల్ ది బెస్ట్ చిరు......

హాట్సాఫ్ రాంగోపాల్ వర్మ

2010-10-22T06:50:00.001-07:00

రక్తచరిత్ర మొదటి షో కనీవినీఎరుగని పోలీసు భధ్రత మద్య చూసాను.తాను అనుకున్నది అనుకున్నట్లు తీసాడు రాము.బుక్కారెడ్డీ పాత్ర సినిమాకు హైలైట్.సినిమా ప్రారంభంలో,తనకు రహస్య సమాచారం ఇచ్చినవారికి ధన్యవాదాలు తెలుపుతూ వారి పేర్లు చెప్పలేకపోతున్నాను అని వర్మ నిజాయితీగా ఒప్పుకున్నాడు.ఇక రామారావు పాత్ర ను చిత్రికరించిన తీరు కొద్దిగా ఇబ్బందికరం.పరిటాల రవి తానే సిస్టం గా మారి.రాష్ట్ర రాజకీయాలను,రౌడీయిజాన్ని,శాసించిన సన్నివేశం అదుర్స్.నిజమైన ఫ్యాక్షనిజాన్ని కల్లకు కట్టినట్లు చూపాడు.చిత్రంలో సెన్సార్ కట్లు కనిపిస్తాయి.వర్మ వాయిస్ సినిమా మధ్యలో,కథా గమనానికి జోడించి.ప్రేక్షకులకు పాత్రల చిత్రీకరణలో తికమక లేకుండా చేశాడు .అంతేకాక పార్ట్ -2పట్ల అంచనాలు పెంచాడు.ఆట్సాఫ్ రాంగోపాల్ వర్మ

రక్త చరిత్ర ఎలా ఉంటుంది??????????

2010-10-21T01:15:00.000-07:00

సంచలనాల వర్మ,మా అనంతపురం ఫ్యాక్షనిజం కథాంశంగా సినిమాతీయడం అభినందనీయ.కాని వాస్తవ పరిస్థితులు తీయగల ధైర్యం కావాలి.దేశచరిత్రలో అనంతపురం ఫ్యాక్షన్ ప్రత్యేకమైనది.వారి కుటుంబాల భావోద్వేగాలు విలక్షణమైనవి.అనుక్షణం ప్రత్యర్థి ఎత్తులు,వాటికి పై ఎత్తులు,దీనితోనే వారి రోజువారి జీవనం గడచిపోతుంది.పరిటాల రవి వ్యక్తిగతంగా సామాన్య ప్రజలను,మహిళలను చాలా గౌరవిస్తారు,సూరి కూడా అంతే,కాని ప్రత్యర్థుల విషయంలో ఎవరి మాట వినరు.వర్మ వీరిద్దరికి ఎలా న్యాయం చేస్తారొ చూడాలి.మిగతా వారి సంగతి ఏమోగాని,వర్మ కథాంశంలో ఎమైనా పక్షపాతం చూపింటే మాత్రం మాజిల్లా ప్రజలు ఓర్చుకోలేరు.కాని వర్మ నిజాయితీని మెచ్చుకోవాలి,రక్తచరిత్ర పూర్తి హింసాత్మక చిత్రమని చెప్పాడు.పదేళ్ళ క్రితం జిల్లా ప్రజలు ఫ్యాక్షన్ హత్యలకు సాక్షులు.చిత్ర విచిత్ర రీతుల్లొ ప్రత్యర్తులను చంపిన తీరు తల్చుకుంటే నిద్ర రాదు.నాకు తెలిసి సినిమా చుసిన వారిపరిస్తితి కూదా అంతే.అదీ కాక వర్మ సరైన హిట్ లేక,ఫ్యాక్షనిస్టులకన్నా ఎక్కువ కోపం ప్రేక్షకుల మీద ఉంది.ఎలాగైనా విజయం సాధించాలని తన కత్తికి పదను బాగా పెట్టిఉంటారు.
నా అంచనా ప్రకారం ఉత్తరాది ప్రజలు మనఫ్యాక్షనిజాన్ని చూసి జడుసుకుంటారనుకుంటా.ఏదిఏమైనా ప్రస్తుతం జిల్లా ప్రజలు ఫ్యాక్షన్ యొక్క దుష్పలితాలు తెలుసుకున్నారు.ప్రస్తుతం అందరూ ప్రశాంతంగా ఉన్నారు సినిమా రిలీజు తరువాత ఏమైతుందో చూద్దాం...

గోవిందో...గోవింద.

2010-06-09T10:16:00.000-07:00

గత నాలుగు రొజులుగా ఈనాడు పత్రికలో వచ్చిన కొండకథలు.తిరుమలలోని వ్యవస్థ నిజస్వరూపాన్ని,ఎండగట్టింది.అర్థం కాని విషయం ఏమంటే,ఎప్పటినుండో జరుగుతున్న తతంగాన్ని.ఇప్పుడు ఎత్తిచూపడం??తిరుమలవెల్లి గుండు కొట్టించుకున్న ప్రతి భక్తుడికి తెలుసు,తాను పడ్డ కష్టాలు.వెంకన్న కమర్షియల్ గాడ్ గా మిగిలిపోతాడేమోనని భయమేస్తుంది.కళ్ళ ముందే ఒక్కొక్కరికి ఒకో విధంగా ట్రీట్ చేసే దేవాలయ సిబ్బందిని చూస్తే గూబ పగలగొట్టలనిపిస్తుంది.మొన్న ఒక మహిళ చేసింది కరెక్టే,నాదృష్టిలో ..(స్కౌట్ చెంప పగలగొట్టడం).భక్తులంతా ఒకరినొకరు తోసుకుని చస్తుంటే.పక్కనున్న వాకిలినుండి లంచమిచ్చిన భక్తులను తీసుకు వచ్చి.పది నిమిషాలసేపు దర్శనం చేయించే చెంచాగాల్లు,సిబ్బంది రూపంలో తిష్టవేసినారు.ఇప్పటికైనా తిరుమలను ప్రక్షళన,చేయకపోతే,భక్తుల మనోభావాలు దెబ్బతింటాయి.ఒకామె 20 కిలోల మాంసం కొండపైకి తేసుకెల్లి విక్రయిస్తూ పట్టుబడిందంటే,పరిస్థి ఎలా ఉంటుందో,ఊహించవచ్చు,అలాగే డ్రగ్స్ కూడా,విచ్చలవిడిగా దోరుకుతున్నాయని ఒక టివి చానల్ బయటపెట్టిన సంగతి తెలిసిందే.తిరుమల పవిత్రత కాపాడవలసిన భాద్యత మనందరిది. కాదంటారా?

అసెంబ్లీ రౌడీలు(ఎనీ ప్లేస్,ఎనీ టైం...)

2010-03-28T02:01:00.000-07:00

నిన్న అసెంబ్లీ లాబీలో జరిగిన సంఘటన సిగ్గు చేటు,సభలో తిట్ల పురాణంతో పాటు,బయట ఇలాంటి ముష్టియుధ్ధాలు కూడా మన ప్రజాప్రతినిధులు ప్రదర్శించడం శోచనీయం.వ్యక్తిగత స్వార్థం కోసం అసెంబ్లీ పరువు మర్యాదలను మంటగలుపుతున్నారు.గ్రూపు రాజకీయాలు ఇలాగే కొనసాగితే,ఎదోఒక రోజు అసెంబ్లీలో మారణకాండ కొనసాగుతుంది.అయ్యా!ఎమ్మెల్యేలు, మీఅగ్రహావేషాలు,ప్రజాసేవలో చూపించండి.ప్రజా ధనాన్ని దోచే అవినీతిపరుల చొక్కాలు పట్టుకోండి,చరిత్ర క్షమిస్తుంది.పేదల కడుపులు కొట్టే దుర్మార్గులను,జుట్టు పట్టి బజారుకు ఈడ్చండి,ప్రజలు బ్రహ్మరథం పడతారు.నాసిరకం పనిలు చేసి కోట్లు కొల్లగొడుతున్న గుత్తేదారులను గుండు పగలగొట్టండి.జనం శిరస్సు వంచి నమస్కరిస్తారు.లెదంటే,పాతాలానికి తొక్కేస్తారు.....తొక్కేస్తారు...ఇదినిజం

చదువులతల్లి కన్నీరు

2010-03-14T00:07:00.000-08:00

ఆంధ్రరాష్ట్రం ప్రత్యేక-సమైక్య అంటూ విస్పోటనానికి సిద్దంగా ఉన్న అగ్నిపర్వతం వలె మండుతున్నది.దేశానికి మూలస్థంభాలైన విశ్వవిధ్యాలయవిద్యార్థులు కన్నవాళ్ళ,ఆశలను వమ్ముచేస్తూ తెలంగాణా కొరకు ఆత్మహత్యలు చేసుకోవడం,కళ్ళారా చూసిన చదువులతల్లి మౌనంగా రోదిస్తోంది.స్వాతంత్ర్యసంగ్రామాన్ని స్పూర్తిగా తీసుకోవాలని,అహింసే అన్ని విజయాలకు మూలమనే మహాత్ముని పలుకులు మర్చిపోయారా?ఆత్మహత్యలే శరణ్యం అనుకునివుంటే,ప్రపంచాన్నే ప్రభావితం చేసిన భారతదేశ స్వాతంత్ర్య అహింసాయుతపోరాటం వ్యర్థమా?బాధ కలిగేవిషయమేమిటంటే,ఒక్క రాజకీయనాయకుడు కూడా అత్మహత్య చేసుకుని చావలేదు.కేవలం విద్యార్థులు,కార్యకర్తలు మాత్రమే బలి అవుతున్నారు.కావున మేధావులారా,రాజకీయనాయకులారా, ఆత్మహత్యరహిత పోరాటాలకు శ్రీకారం చుట్టండి.శవాల నిచ్చెనలతో పదువులకోసం ప్రాకులాడకండి

చదువు-భాధ్యత-చిన్నారి

2010-02-10T08:59:00.000-08:00

ప్రాథమిక పాఠశాలల కు ప్రభుత్వం ఎన్ని నిధులు మంజూరు చేసినా కూడా,వాటిని సక్రమంగా వినియోగించడంలేదని విమర్శలున్నాయి.పేదపిల్లలు ఎంతో ఆశతో బడికి వస్తే వారికి అందించే మధ్యాహ్నభోజనం కూడా నాసిరకంగా ఉంది.తల్లిదండ్రులు కూలిపనికి వెళితే చిన్నపాపను తనఒడిలో పడుకోబెట్టుకొని మద్యాహ్న భోజనంకోసం ఎదురుచూసే పసిపాపలెందరో...

అధ్బుతమైన అవతార్ సినిమా

2009-12-18T09:30:00.000-08:00

అధ్బుతమైన అవతార్ సినిమా హాలీవుడ్ మాంత్రికుడు కామరూన్ అధ్బుతసృష్టి అవతార్,అద్యంతం ఉత్కంఠభరితం గా గ్రాఫిక్ మాయాజాలంతో ఊహాలోకం లో విహరింపజేసిన సినిమా అవతార్. కథ విషయానికి వస్తే మానవగ్రహాన్ని పోలిన మరోగ్రహంలో స్వచ్చమైన,స్వేచ్చా జీవితం గడుపుతున్న జీవుల పైన మన మనుషుల కన్ను పడుతుంది.ఎలాగైన అక్కడి సంపదను స్వంతం చేసుకోవాలని,స్పెషల్ ఆపరేషంకు నడుంబిగిస్తారు. అందుకోసం మన,గ్రహాంతర జీవుల సంయుక్త జన్యువులతో అవతార్ ను సౄష్టిస్తారు.ఆజీవిని నియంత్రించే భాద్యతను హీరోకు అప్పగిస్తారు(హీరోజన్యువు తో అవతార్ తయారుచేస్తారు).అవతార్ గ్రహాంతర వాసులతో కలిసిపోయి అక్కడి హీరోయిన్ తో ప్రేమలో పడుతాడు.వారి గ్రహానికి సంబందించిన రహస్యాలను మన సైన్యానికి తెలియజేస్తుంటాడు.అందుకు ఫలితంగా యుద్దం లో చచ్చుబడిన కాళ్ళకు వైద్యం అందిస్తామని చెబుతారు. కాని తనవారి దుష్ట పన్నాగాన్ని కనుక్కొని ఎలాగైనా అమాయక గ్రహాంతరవాసులను రక్షించాలని,తనవారితో విభేదించి తన మిత్రులతొ కలిసి,గ్రహాంతరవాసులను సమైక్యపరిచి యుద్దంచేసి తనవారిని నాశనం చేస్తాడు. పోరాటాలకు సంబందించిన గ్రాఫిక్స్ సూపర్బ్ .పక్షులు,గుర్రాలను ,లోగదీసే సన్నివేశాలు కట్టిపడేస్తాయి.కంప్యూటర్ గ్రాఫిక్స్ ను కూడా సహజ సన్నివేశాలుగా చూపడం సాంకేతిక నిపుణుల సామర్థ్యానికి మచ్చుతునక.గ్రహాంతర జీవుల హావభావాలను చాలా చక్కగా తెరకెక్కించాడు.అందరు చూడదగ్గ చిత్రం అవతార్.

కెసీఅర్ లొల్లి

2009-11-09T08:42:00.001-08:00

తెలంగాణా వాదం,బలహీనపడకుండా కెసీఅర్ మల్లీ లొల్లి షురూ చేస్తున్నాడు.ఈసారి ఏకంగా ప్ర్రాణత్యాగానికేసిద్దం అంటూ ఢిల్లీ గల్లీలలో కనిపించిన నాయకులనంతా కలుస్తూ వారి బుర్రలను తినేస్తున్నాడు,డిల్లీ నాయకులు కెసీఅర్ ను ఒక జోకర్ లాగ కామేడి కోసం రెచ్చగొడుతున్నారు.ఆంధ్రప్రజలకు ఇదంతా మామూలే కాబట్టి ఈసారి అంతగా స్పందిస్తారనుకోను.తనస్వంత పార్టీ నుండి తీవ్ర అసమ్మతి ని ఎదుర్కొనే కేసీఅర్,తన ఆరోగ్యం గురించి ఆలోచిస్తే బాగుంటుంది,వరద బాధితులకు అందించిన సహాయమెంత?తన సత్తా చూపాలంటే గ్రేటర్ ఎన్నికల్లో నిరూపించుకోవాలి నిరూపించాలి.రాబొయే రోజుల్లో సరియైన ప్రణాలికతో ముందుకు వెలితేనే టి.ఆర్.ఎస్ కు మనుగడ ఉంటుంది.

ప్రాథమిక పాఠశాలలో యల్.ఇ.పి.(అభ్యసనాభివృధ్ది కార్యక్రమం)

2009-10-31T09:16:00.000-07:00

రాజీవ్ విధ్యామిషన్ వారు ప్రాథమిక పాఠశాల పిల్లలలో,గుణాత్మక విద్యను అందించటానికి,ఉపాధ్యాయులకు నాలుగు రోజుల శిక్షణను అందిస్తున్నారు.కోట్లు ఖర్చుపెట్టి వారు చేస్తున్న ప్రయత్నం అంతగా ఫలించలేదని నా అభిప్రాయం.మోక్కుబడిగా శిక్షణకు వస్తున్నారేగాని,సాధించాలని కాదు.శిక్షణలో ఉపాధ్యాయులకు సకలసౌకర్యాలు కల్పిస్తున్నారు.అంతేకాక రెన్యుమరేషన్ కూడా ఇస్తున్నారు,కొందరు ఉపాధ్యాయులు,శిక్షణలో కంతసేపు మాత్రమే ఉండి హాజరు లో సంతకాలు చేసి వెల్లిపోతున్నారు.వీరికి భాధ్యత కొంతైనాఉందా?ఇలాంటివారా మనదేశనవనిర్మాణ నిర్మతలు,చాల సిగ్గుగా ఉంది.ఎదైనా మాట్లాదితే ఉపాధ్యాయ సంఘాల పేరుచెప్పి ఆందోళనలు చేస్తారు.వీరిని ఏలా మార్చాలో అర్థం కావడంలేదు.

సర్కారుబడులు అంధకారంలో.....

2009-10-18T07:11:00.000-07:00

పాఠశాలలో గుణాత్మక విధ్య ను అందించడానికి,రాజీవ్ విద్యామిషన్ వారు అనేక శిక్షణా కార్యక్రమాలు ఉపాధ్యాయులకొరకు చేపడుతున్నారు.నేటి వాస్తవిక పరిస్తితులు పరిశీలిస్తే సర్కారు బడుల పరిస్థితి చాలా అపాయకరమైన స్థితికి చేరువైనది.ప్రయివేటు బడుల మోజుతో,సామాన్యప్రజానికం సైతం,వారి పిల్లలను సర్కారు బడుల్లో చేర్చడంలేదు. అంతెందుకు "ఎంతమంది టీచర్ల పిల్లలు ప్రభుత్వ పాఠశాలల్లో చదువుతున్నారు ".క్లాప్స్,ను కొద్దిగామార్చి లెప్, అనేక్రొత్త కార్యక్రమం,ఏవిద్యాసంవత్సరం నుండి అమలు చేస్తారు.ఉపాధ్యాయున్ని పూర్తిగా భాద్యున్ని చేయడం దీని ముఖ్య ఉద్దేశ్యం.
ఉపాధ్యాయుల అంతరాత్మ ప్రభోదం మేరకు పనిచేస్తే మంచి పలితాలు వస్తాయని. అనంతపురంజిల్లా డైట్ ప్రిన్సిపాల్ మునెయ్య గారు ఎంతో ఆవేదనతో చెప్పారు.మూడు,నాలుగు ,ఐదు ,తరగతులకు నూతన ఆంగ్లవాచకాలను ప్రవేశపెట్టారు,తమాష ఏమంటే రచయతలకు,ఆంగ్లము మూడవతరగతి లో పరిచయం అవుతుందని తెలియక హైస్టాండార్డ్గా ఉండేటట్లు వ్రాసారంట.కాగితం నాణ్యత నాసిరకం,ముద్రణాలోపాలు అనేకం.నిజంగా చాలాబాధకలిగింది.దీనికి కారకులు పాలకులా?అధికారులా?ఉపాధ్యాయులా?
ప్రయివేటు పాఠాశాలల్లో,చాలావరకు శిక్షణపొందినటీచర్లు ఉండరు,కాని మంచీ పలితాలు సాధిస్తారు.కాని శిక్షణపొంది,పోటీపరీక్షలోనెగ్గి,తన సత్తాచూపిన ప్రభుత్వ టీచర్లు తమపాఠశాలల్లో ఫలితాలు సాధించకపోవడం,అర్థం కాని అంశం.అలా అని అన్ని సర్కారు బడులని తప్పుపట్టడంలేదు,అధ్బుతాలు సాధిస్తున్న మహనీయులు ఉన్నారు.వారి స్పూర్తి అందరికి ఆదర్శంకావాలని ఆశిద్దాం.

ఎవరు ద్రోహి??????????

2009-10-07T09:10:00.000-07:00

విశాల ఆంద్రావని లో నేతలు, అధికారులు అనధికారులు.ఎందరున్నా ఘోరవిపత్తు ను ఆపలేకపోయారు.నిన్న టివీ9 ఛానల్ లో ఒక ప్రొగ్రాం చూసి చలించి పోయాను.అధికారుల సమన్వయం లేక పోవడంతో, శ్రీశైలం డ్యాం గేట్లు ముందుగానే ఎత్తివేసిఉంటే,ఇంత నష్టం జరిగేది కాదు అని దాని సారాంశం ` .కాని అధికారులు ఇప్పుడు వివరణ ఇవ్వడం శోచనీయం.పోని వరదసహాయక చర్యలు కూడా పబ్లిసిటి కోసం వినియోగించడం హేయం.వరదసహాయక నిధులని కూడా తమ జేబుల్లో నింపుకునే కేటుగాల్లున్న సమాజం మనది .దీనిపై నిఘా అవసరం రోశయ్య గారు తనవంతుగా రాష్ట్రాన్ని చక్క బెట్టాలని కృషిచేస్తున్నారు.కాని,వారికి స్వంత గూటినుండే ప్రతిఘటన ఏదురు కావచ్చు .ఎమైతేనేమి నష్టపోయింది అమాయక ప్రజలు,ఎప్పటికైనా కళ్ళు తెరిచి రాబోయేరోజుల్లో ఇలాంటివి జరగకుండా చూడాలి .

ప్రజారాజ్యం-పయనమెక్కడికి

2009-09-29T07:37:00.000-07:00

సంచలనాలు సృష్టించాలని రాజకీయరంగంలో అడుగు పెట్టిన మెగాస్టార్ చుట్టూ చీమల్లా చేరారు నాయకులు.ఏదోసాదించాలని చిరు, ఎలాగైనా ప్రజలను కుమ్మేయాలని చోటా బడా నాయకులు,ఒక చక్కటి యాక్షన్ సినిమా ప్రజలకు, కట్ చేస్తే అంచనాలు తారుమారు.భారతదేశాన్ని వేసవి విడది చెసుకున్న సైబీరియా పక్షులవలె.ఋతువు ముగియగానే రష్యా వెల్లినట్టు ఎవరిగూటికి వారు వెల్లిపోయారు.తప్పు లేదు వలస పక్షులు ఎప్పటికి వలస పక్షులే,పని అయ్యాక తమ గూటికి వెళ్ళిపోతాయి . చిరు మీద నమ్మకంతో ఓట్లు వేసిన 2009 ఓటర్లు,రాంగోపాల్ వర్మ సగం సినిమా చూసిన ప్రేక్షకుడిలా ఫేసు పెడుతున్నాడు.చిరు కు పూర్తిగా స్టోరీ తెలిసింది.కాని ఏమి చేయలేని పరిస్థితి.పుండు మీద కారంలా అన్నీ సుడులే,కాని.రాబోయే 2014 ఎన్నికలకు సిద్దమవ్వాలంటే, ఛాలెంజ్ సినిమా టైపు లో అద్బుతం జరగాలి ,చిరు ప్రజా సమస్యలపై పోరాడాలి .అంతేకాని జరిగిన దాని గురించి ఆలోచిస్తూ కూర్చొంటే ,రాబోయే ఎన్నికల్లో తెలుగుదేశం అన్ని పార్టీలని కుమ్మేస్తుంది.కాబట్టి చిరు ఏదోఒకటి చేయాల ,ఏమి చేస్తే బాగుంటుంది మేరేచెప్పండి ........ మీ బదులు కోసం ఎదురు చూస్తూ...

నాయకుడా?ప్రజలా?

2009-09-29T02:06:00.000-07:00

రాష్ట్రంలో ప్రస్తుతం జరుగుతున్న పరిణామాలు,దురదృష్టకరం.ప్రజాప్రతినిధులను ఎంతోసేవచేస్తారని ఆశించివారిని ఎన్నుకుంటారు.కాని పెద్దాయన మరణించిన తరువాత సంఘటనలు చూస్తే బాధకల్గుతుంది.ప్రజాసమస్యలు వదిలి నాయకులు కుమ్ములాటలకు పాల్పడుతున్నారు .ప్రముఖ విశ్లేషకులు నాగేశ్వర్ గారు అన్నట్టు,"ప్రస్తుత పరిస్థితుల గురించి ఎవరూ మాట్లాడకండని,చెప్పే అంశాన్ని గంటన్నర మాట్లాడుతున్నారు" దీనికితోడు మీడియా వారు అగ్నికి ఆజ్యము తోడైనట్లు ప్రవర్తిస్తున్నరు .ప్రజాసమస్యలు వదిలి నాయకుల కామెంట్లను కవర్ చేయడానికి ఆసక్తి చూపుతున్నారు. ఇంత అసమ్మతిని ఎదుర్కొని సజావు గా పరిపాలన సాగించిన వైయస్సార్ అభినందనీయులు .రాజీనామాలు చెస్తామని చెబుతున్న నాయకులకు ప్రజలు గుర్తుకురారా?జగన్ గారు సియం కావాలని నాకు కూడా ఇష్టమే కాని ఒత్తిడి ద్వారా ఆయన సియం కావాలని కోరుకోవడంలేదు.ఎప్పటికైనా జగన్ సియం అవుతాడాని కాంగ్రెసే కాదు రాష్ట్రం లోని అన్ని పార్టీలకు తెలుసు,అనవసర రాజకీయాలు వద్దు .అధిష్టానం సస్పెన్స్ కు తెరదించాలి.(వైయస్సార్ గారి స్మృతిగా నేను డిజైన్ చేసిన గ్రాఫిక్ నాణెం )

బాలకార్మికులను నిర్మూలించడాని కి ఒక ఇడియా

2009-09-26T02:43:00.000-07:00

నా పాఠశాల విధ్యార్థులు కొందరు,కుటుంబ ఆర్థిక ఇబ్బందుల వల్ల,బాలకార్మికులుగా మారుతున్నారు,వారి తల్లిదండ్రులతో మాట్లాడినా ప్రయోజనం లేదు.అందుకే అధికారులకు నాదో చిన్న విన్నపం.బడికి పిల్లలను పంపని విధ్యార్థుల కుటుంబాలకు,నెలనెల,ప్రభుత్వం అందించే రేషన్ సరుకులను ఆపెయాలి,అలాగే ప్రభుత్వం కల్పించే సంక్షేమపథకాలు నిలిపివేయాలి .అలాచేస్తే బాలకార్మిక వ్యవస్థను కొంతవరకైనా అరికట్టవచ్చు.

2009-09-26T01:27:00.000-07:00

కొచ్చిన్(కేరళ)సముద్రతీరం నుండి 18/9/09న సాయంత్రం 5-45 కు నేను తిసిన పోటో.

పూడుపాముల-మౌనవేదన

2009-09-25T10:20:00.000-07:00

ఇక్కడ నేను వ్రాస్తున్న విషయాలు వాస్తవాలు:అనంతపురం జిల్లా లో గత కొన్ని నెలలుగా పూడుపాముల కొనుగోలుదారులు మారుమూల గ్రామాలలొ సైతం ఖరీదైన కార్లలో తిరుగుతూ,వాటి గురించి అరాతీస్తున్నారు . పూడుపాములు(బురదపాములు) :ఇవి రెందు తలలు కలిగి ఉంటాయి ,అర్నెల్లు ఒక తలతో మరోఅర్నెల్లు మరో తలతో నడుస్తాయి .3.5కె.జి. బరువు కలిగిన పాములో "ప్లీహం " అనేగ్రంధి బాగా అభివౄద్ది చెంది ఉంటుంది .దానిని మాదకద్రవ్యాలలో వాడుతారు .పూడుపాము 3.5 కెజి లేకపూతే ధర తక్కువగా ఉంటుంది .అందు కోసం అమ్మెవారు ,బరువు కోసం దాని నోటిలో బలవంతం గా ఈనుప గోళీలు(ఛర్రాలు) మింగిస్తారు,మూడుగంటల లోపు పాము చస్తుంది.కొన్నవాడు బలి.కాని,తెలివైన వ్యాపారులు పామును తలక్రిందులుగా వ్రెలాడదీస్తారు,కడుపులోఉన్న గొళీలు లు బయటకు వస్తాయి.ఎంత అమానుషం.వీటి చర్మాలు ఎయిర్పోర్టులో స్కానెర్ కు దొరకని విధంగా వేటిమద్య సరుకులు ఉంచి స్మగ్లింగ్ చేస్తారు .

జరిగిన జోకు

2009-09-22T01:43:00.001-07:00

అనంతపురం బస్టాండ్ లో ఒక విదేశియుడు టాయిలెట్ కు వెళ్ళాడు.అక్క్డడ ఉన్న పని వాడు,రెండు రూపాయలు,చార్జి అన్నాడు,ఓకె అని లోనికి వెళ్ళాడు,కాసేపటికి బయటకి వచ్చి,పనివాడికి ఐదు రూపాయలు ఇచ్చాడు.ఎందుకు సార్ ఐదు రూపాయలు ? అని అడిగితే ,విదేశియుడి సమాధానం " రెండు రూపాయలు టాయిలెట్ కు,మూడు రూపాయలు వాంతి చేసుకున్నందుకు " ప్రతి బస్టాండ్ లో ఉండే అపరిశుభ్రత కు ఓక ఉదాహరణ (అనంతపురం పట్టణం లో విదేశియులు మామూలే ,పుట్టపర్తి సందర్శన కోసం వస్తారు )